სირუშ ბალასანიანი აქტიური ქალია ახალქალაქის მუნიციპალიტეტის სოფელ ვაჩიანიდან. ის ყოველთვის გემრიელ ნამცხვრებს და ცომეულს აცხობდა და ოჯახის დახმარების მიზნით, გადაწყვიტა წარმოება გაეზარდა და საკუთარი საკონდიტრო გაეხსნა. ინიციატივის განხორციელების მიზნით, სირუშმა გაეროს ქალთა ორგანიზაციის მიერ მხარდაჭერილ ქალთა ეკონომიკური გაძლიერების პროექტში მიიღო მონაწილეობა და საკონდიტროსთვის აუცილებელი ინვენტარი შეიძინა.
სირუში ძალიან გემრიელ, სხვადასხვა ზომის, ფორმის და სახეობის ტორტებს, ნამცხვრებს, ხაჭაპურებს, ლობიანებს და სხვა ტკბილეულსა და ცომეულს აცხობს. არომატისთვის კი თავის პროდუქციას საკუთარი ბაღის ხილს უმატებს. სწორედ ამიტომ, მას ბევრი კმაყოფილი მომხმარებელი ჰყავს სხვადასხვა სოფლებიდან. დამატებით სირუში უგემრიელეს ჩირსა და კარამელის მიწის თხილს აკეთებს და შეუძლია მოთხოვნის შესაბამისად გაყიდოს.
მომავალში სირუშს მომსახურების გამრავალფეროვნება სურს. ვინაიდან ახალქალაქში ძალიან ბევრ დღესასწაულს აღნიშნავენ, სირუშმა გადაწყვიტა საკონდიტროში სადღესასწაულო პროდუქციაც დაამატოს: სანთლები, ქუდები, ფეიერვერკები და ა.შ. ამისათვის კი დამატებითი ფინანსები ესაჭიროება. (2000)
პროექტი „ქალთა ეკონომიკური გაძლიერება სოციალური მობილიზაციისა და შესაძლებლობების განვითარების გზით“ მხარდაჭერილია შვეიცარიის განვითარებისა და თანამშრომლობის სააგენტოს (SDC), ავსტრიის განვითარების თანამშრომლობისა (ADC) და გაეროს ქალთა ორგანიზაციის (UN Women) მიერ, რომელსაც ახორციელებენ კახეთის რეგიონალური განვითარების ფონდი (KRDF), ფონდი ტასო (TF) და ქეა საერთაშორისო კავკასიაში (CARE).
პროდუქცია/სერვისი
ქალთა ინიციატივები
პროექტის, "ქალთა ეკონომიკური გაძლიერება სოციალური მობილიზაციისა და შესაძლებლობების განვითარების გზით" ფარგლებში დაფინანსებული ქალთა ინიციატივები.